Maqsad va yoʻnalish

Maqsad. IQTIDATA iqtisodiyot va maʼlumotlar ilmi kesishuvidagi original tadqiqotlarni chop etadi: iqtisodiy jarayonlarni ekonometrika, statistik modellashtirish, mashinali oʻrganish, katta maʼlumotlar tahlili va sunʼiy intellekt yordamida oʻrganadigan ishlar. Jurnalning vazifasi — iqtisodchilar va maʼlumotlar ilmi mutaxassislari oʻrtasida koʻprik boʻlish, takrorlanuvchi va ochiq tadqiqot madaniyatini shakllantirish.

Yoʻnalishlar. Ekonometrika va statistik modellashtirish · Iqtisodiyotda mashinali oʻrganish va sunʼiy intellekt · Katta maʼlumotlar va iqtisodiy analitika · Raqamli iqtisodiyot va platformalar · Moliyaviy texnologiyalar va fintech tahlili · Makro- va mikroiqtisodiy tahlil · Maʼlumotlarni vizualizatsiya qilish va qarorlarni qoʻllab-quvvatlash · Maʼlumotlarga asoslangan iqtisodiy siyosat.

Maqola turlari. Tadqiqot maqolasi, sharh maqolasi, maʼlumotlar va kod maqolasi (yangi maʼlumotlar toʻplami, dasturiy paket yoki replication natijasi).

Tillar va davriylik. Maqolalar oʻzbek, rus va ingliz tillarida qabul qilinadi. Jurnal elektron shaklda, yiliga toʻrt son chop etiladi; qabul qilingan maqola navbatdagi songa kiritiladi.